Реал Мадрид сигурно ќе направи многу промени ова лето кога станува збор за играчкиот персонал.
Кралскиот клуб сака малку да го освежи нивниот тим, а Флорентино Перез изјави дека имаат голем буџет за нови засилувања. Иако многу клубови се наоѓаат во финансиска криза поради пандемијата, се чини дека тоа не важи за Реал Мадрид.
Мадридскиот АС денес објави дека најголем дел од промените ќе бидат во средниот ред, во кој играат играчи кои претежно се на крајот од своите кариери, а Перез има за цел да го подмлади тој дел од тимот.
Наводно, прва желба на „кралевите“ ова лето е одличниот француски играч од средниот ред Н’Голо Канте кој во моментов е член на Челзи. Реал ќе се обиде да го донесе овој 29-годишен играч и тие се подготвени да платат дури 75 милиони евра за него.
Канте има договор со лондонскиот клуб до летото 2023 година и интересно е да се види дали Челзи ќе го продаде бидејќи е еден од најважните играчи на тимот предводен од Френк Лампард.
