Англиските клубови во Премиер лигата сакаат да ја завршат сезоната.
Планот е да се продолжи првенството од 12 јуни и британската влада предложи план за одигрување на натпреварите на неутрални терени и на стадиони што не се во населени места.
Ниту еден клуб не би бил домаќин на преостанатите натпревари, а осум стадиони низ Англија би биле искористени за да се заврши сезоната.
Осумте стадиони се:
Амекс – Брајтон
Св. Мери – Саутемптон
Лондон стадион – Вест Хем
Емирати – Арсенал
Кинг Пауер – Лестер
Вила Парк – Астон Вила
Олд Трафорд – Манчестер Јунајтед
Етихад – Манчестер Сити
Овие стадиони се најголемите фаворити досега за одигрување на завршниот дел од сезоната во Премиер лигата, но многу е можно тука да се додадат уште неколку стадиони.
Одлука за продолжување на Премиер лигата треба да се донесе до 25 мај, а следната недела ќе се одржи нова средба на челниците на англиските клубови за да се разгледаат опциите, откако британската влада ќе објави нови мерки во пресрет на пандемијата на коронавирус.
