Прво Кристијано Роналдо, потоа Пол Погба и Мануел Локатели ги отстранија спонзорските пијалоци на прес-конференциите по натпреварите на Европското првенство.
УЕФА беше заситена од ваквото однесување и испрати јасна порака до екипите учесници со упатства за остатокот од натпреварувањето.
Имено, УЕФА ги замоли сите играчи од 24 репрезентации да престанат да ги тргаат стратешки позиционираните спонзорски пијалоци. За тоа зборуваше директорот на натпреварувањето, Мартин Кален.
“Ова е важно затоа што заработката од спонзорите е важна за натпреварувањето и европскиот фудбал. Спонзорите се неопходни за да се обезбеди развој на фудбалот низ цела Европа, вклучително и млади луѓе и жени”, рече Кален.
На луѓето одговорни за медиумите на сите 11 стадиони им беше наредено во иднина да ги отстрануваат алкохолните пијалоци кои се пред фудбалерите од муслиманска вероисповед.
Таа одлука следуваше откако Погба го отстрани пивото Хајнекен пред него иако на зелениот шише беше јасно наведено дека не содржи состојки на алкохол.
УЕФА им нареди на претставниците на репрезентациите дека играчите мора да ги почитуваат спонзорите и придонесите што ги даваат за развојот на европскиот фудбал.
Кока-Кола и Хајнекен се меѓу 12-те главни спонзори на турнирот, а вкупната заработка на УЕФА се очекува да биде скоро две милијарди евра. Не е прецизирано колку пари се заработени од спонзорот.
Патем, играчите индиректно добиваат пари и од спонзори преку федерации и клубови, бидејќи УЕФА ги исплаќа наградните со парите на спонзорот.
Земјите учеснички на турнирот, 24 од нив ќе поделат 371 милиони евра преку награди. Шампионот ќе заработи максимум 34 милиони евра, додека стотици клубови кои имаат играчи што го претставуваат ЕУРО ќе делат најмалку 230 милиони евра затоа што им дозволија на своите играчи да играат на турнирот.
