Клубовите од Премиер лигата ги отворија своите каси за време на јануарскиот преоден рок. Над 300 милиони евра потрошиле тимовите од елитната англиска лига за трансфери на играчи.
Ова е највисоката бројка што англиските клубови ја потрошиле во јануарскиот преоден рок од 2018 година, со потписи како Луис Дијаз и Бруно Гимараеш.
Колумбискиот крилен напаѓач му се приклучи на Ливерпул од Порто во замена за 40,5 милиони плус дополнителни 12,5 милиони, а Гимараеш му се приклучи на Њукасл Јунајтед за 37,89 милиони.
Враќањето на навивачите на стадионите со полн капацитет и договорите за ТВ правата потпишани од Премиер лигата финансиски ги поттикнаа клубовите оваа сезона.
Клубовите од Премиер лигата потрошија околу 90 милиони евра за трансфери минатата година, околу 250 милиони евра во 2020 година и околу 130 милиони евра пред неколку години.
