За машкиот тенис и влијанието на големата тројка: Новак Ѓоковиќ, Роџер Федерер и Рафаел Надал зборуваше Дарија Касаткина, која моментално е на 13. место во светот.
Русинката истакнува дека никој не може да се споредува со овие три асови.
„Тројцата се неостварливи“, рече Касаткина.
Меѓу нив, Дарија го има својот миленик.
„Мојот идол е Надал. Го сакам без разлика на резултатите“.
Сепак, нема сомнеж кој е најдобар.
„Гледајќи ги резултатите, Новак Ѓоковиќ е најдобар на сите времиња. Лудо е да се расправаме за тоа. Се друго е прашање на вкус“, изјави Касаткина.
