Тренерот на Баерн, Џулијан Нагелсман не е задоволен од изборот на Гави за најдобар млад фудбалер во светот.
Трофејот Копа се доделува на најдобриот млад играч, а овој пат титулата му припадна на играчот од средниот ред на Барселона, но Нагелсман смета дека има „двајца подобри“ од него.
Наградата на 18-годишниот Гави му ја врачи неговиот соиграч Педри, кој ја освои титулата една година претходно. Второто место му припадна на Едуардо Камавинга од Реал, а зад него се Џамал Мусиала од Баерн и Џуд Белингем од Борусија Дортмунд.
“Се знае дека гледам низ призмата на клубот, но имам свое мислење за тоа. А јас би гласал поинаку. Џамал Мусиала и Џуд Белингем имаа подобра сезона од победникот. Од моја гледна точка, и двајцата треба да бидат пред Гави“, рече Нагелсман.
Подоцна, сепак, германскиот стручњак го пофали 18-годишниот играч за врска на Барселона.
“Тој е голем играч, со голем талент. Наградата не беше незаслужена за него. Тој има неверојатен победнички менталитет за неговата возраст”, призна тој.
Како реагираше самиот Гави на добивањето на наградата?
„Голема чест е да се биде овде, но во овој момент се сеќавам на сите луѓе кои ги запознав во Ла Масија. Би сакал еден ден да ја освојам Златната топка, целиот свет сонува за тоа“, изјави шпанскиот репрезентативец.
Она за што сонува Гави во Париз го освои Карим Бензема, напаѓачот на Реал Мадрид, кој тоа навистина го заслужи со своите настапи во сезоната 2021/22.
Претседателот на Барселона, Жоан Лапорта се чувствуваше посебно за Гави и Педри.
„Кога ги видов двајцата (Гави и Педри) заедно, бев трогнат бидејќи ја сакам Барселона и овие двајца млади играчи. Минатата година Педри го освои трофејот Коп, а оваа година му го подари на Гави. Тој е многу неуморен човек, како што можете да видите од сите негови настапи“, изјави Лапорта.
