Во септември минатата година бевме сведоци на една необична ситуација.
Имено, по само седум минути игра беше прекинат натпреварот помеѓу Бразил и Аргентина во квалификациите за Светското првенство во Катар.
Поводот беше спор за прекршување на мерките за пандемијата против четворица гостински играчи кои играат во британските клубови – Емилијано Буендија, Емилијано Мартинез, Кристијано Ромеро и Џовани Ло Селсо. Ромеро, Ло Селсо и Мартинез го започнаа натпреварот во првиот состав.
Четворицата пристигнаа во Бразил седум дена пред натпреварот. Сепак, посебни услови важат за Велика Британија, Индија и Јужноафриканската Република, вклучително и 14-дневен карантин по пристигнувањето во земјата.
По долго одложување, ФИФА одреди нов датум за натпреварот, 22 септември 2022 година.
Сепак, Бразил и Аргентина утврдија дека неговиот настап може негативно да влијае на подготовките на двете репрезентации за Светското првенство кое во ноември и декември ќе се одржи во Катар.
Така најголемиот репрезентативен натпревар во Јужна Америка нема да се повтори и дефинитивно е откажан.
Ова го соопштија фудбалските федерации на двете земји, кои целиот случај го решија во соработка со ФИФА на Спортскиот арбитражен суд.
За потсетување, Бразил на Мундијалот е во групата Г заедно со селекциите на Србија, Швајцарија и Камерун.
Што се однесува до Аргентинците, тие се сместени во групата Ц со Полска, Саудиска Арабија и Мексико.
