Околу потенцијалниот трансфер на Пауло Дибала се создава сериозна сапуница. Се чинеше дека поранешниот играч на Јувентус сигурно ќе дојде во Интер, но ќор-сокакот во преговорите им овозможи на другите клубови да влезат во приказната.
Прво, Милан се појави како заинтересиран. Потоа интерес покажаа и од Монца. Во меѓувреме се врати интересот на Манчестер Јунајтед.
А сега во приказната се вклучи и Наполи. Многу е живо под Везув. Лоренцо Инсиње си замина како слободен играч, а на излезна врата е Мертенс кој не е заинтересиран да го продолжи договорот за драстично помала плата. Многу се зборува за потенцијалната продажба на Осимене, а оттаму би се добиле доволно пари за да се исполнат желбите на Дибала.
Наводно, Аргентинецот сака седум милиони евра по сезона. Тоа е неприфатливо за Интер и Милан, но можеби не и за Наполи.
