Следуваше пауза во кратката тренерска кариера на Андреа Пирло (42), а понудата од Пиринејскиот Полуостров звучи примамливо.
Според добро информираната „А Бола“, првиот човек на Спортинг од Брага, Антонио Салвадор стапил во контакт со Андреа Пирло и му го претставил својот амбициозен проект.
Клубот од северозападот на Португалија е во вечната сенка на великаните од Лисабон и Порто, но во последните години најавува многу поголеми амбиции.
Брага минатата сезона го освои Купот на Португалија со победата во финалето против Бенфика, но оваа сезона повторно е „само“ четврта, далеку зад Порто, Спортинг Лисабон и Бенфика.
Таа неодамна испадна од Лигата на Европа, па клубот прави големи планови за следната сезона. Наводно интерес покажал Пирло, добил информации за играчите и плановите на клубот, но се уште не дал согласност.
Пирло минатата сезона беше тренер на Јувентус, но не беа постигнати очекуваните резултати. Натпреварувањето во Лигата на шампионите го заврши со неочекувана елиминација во осминафиналето од португалски тим Порто.
Фудбалерите на Брага никогаш не биле шампиони на Португалија, најдобар пласман им е второто место во сезоната 2009/10. Тие трипати го освоија Купот на Португалија, двапати Националниот Лига Куп, а во 2011 година играа финале во Лига Европа, но Порто тогаш го освои трофејот. Тоа беше историска сезона за Португалците кога три клуба од Примеира играа во полуфиналето на ова европско натпреварување: Порто, Бенфика и Брага.
Брага своите натпревари ги игра на атрактивниот Општински стадион, издлабен на ридот Монте Кастро, од кој се гледа поглед на овој град.
Braga want Andrea Pirlo to be their manager next season, report A Bola.
The 42-year-old's only managerial experience was a failed stint at Juventus, however he remains highly regarded following his stellar playing career. pic.twitter.com/wIMNAzXcot
— SportzGlobal01 (@SportzGlobal01) April 17, 2022
