Во Милано пред вечерашниот натпревар од фудбалската Лига на шампиони меѓу Милан и француски Пари Сен Жермен дошло до неколку навивачки пресметки, а во едната тешко е повреден симпатизер на францускиот клуб, кој, како што јави италијанската агенција АНСА , се бори за живот.
АНСА додаде дека 34-годишниот навивач на ПСЖ е избоден со нож во главата и ногата и се бори за живот во една од болниците во Милано.
Повредени се и неколку полицајци, кои интервенирале во конфликтот во областа Навигли.
Curva Sud Milano attacked PSG in Milan last night 💥 pic.twitter.com/BkvyCH0vDT
— 𝐂𝐚𝐬𝐮𝐚𝐥 𝐔𝐥𝐭𝐫𝐚 𝐎𝐟𝐟𝐢𝐜𝐢𝐚𝐥 (@thecasualultra) November 7, 2023
Според „La Gazzetta dello Sport“, еден од нив бил прободен со нож во ногата, а другиот бил погоден во главата од неименуван предмет.
Сепак, тоа не беше единствената навивачка пресметка во ноќта помеѓу понеделник и вторник. Во „Кајна таун“ полицијата интервенирала по конфликт меѓу десетина навивачи на ПСЖ и жители на тој кварт.
Малку подоцна органите на редот интервенираа во една од улиците каде што се наоѓаа француските навивачи, а на еден од нив му беше потребна лекарска помош.
Scontri a #Milano tra tifosi del #Milan e del #Psg la notte della vigilia della sfida di #ChampionsLeague #MilanPsg #Navigli pic.twitter.com/TjimsHXK6t
— La Bussola TV (@LaBussolaTV) November 7, 2023
АНСА напиша и дека безбедносните служби и полицијата во вторник ќе ги зголемат безбедносните мерки пред Сан Сиро, поради потенцијални нови немири.
Натпреварот помеѓу Милан и ПСЖ започнува во 21 часот.
