Дуелот од третото коло во Лига Европа го одиграа Фрајбург и Нант во групата Г.
Во интересна фудбалска претстава, Фрајбург победи со 2:0, што беше нивни трет триумф во три кола, Нант има биланс од една победа и два порази.
Пред натпреварот на улиците на Фребируг владееше одлична атмосфера која дополнително ја запалија навивачите на Нант со една несекојдневна ситуација.
Пред еден бар, група навивачи на Нант го скандираа името на легендата на Нант Николас Палоа на германски полицаец.
Имено, полицаецот беше сличен на Палоа, а навивачите на Нант во него го пронајдоа дупчалникот на својата легенда и со одлично скандирање ги воодушевија сите присутни, но и фудбалските фанови низ Европа бидејќи видеото брзо се прошири.
Bonne ambiance en Allemagne avec les supporters nantais qui ont trouvé le sosie de Nicolas Pallois dans la police locale 😂
🎥 @mattbelleehttps://t.co/6YUUXb7xak
— BeFootball (@_BeFootball) October 6, 2022
Дури и на разбеснетиот полицаец му беше интересно скандирањето, се насмеа, но секако беше на работна задача па не можеше да ужива во овој интересен настап со навивачите на Канарите.
Инаку, навивачите на Нант брилијантно ги бодреа своите момци, а не предизвикаа никакви инциденти на улиците во градот.
Ова секако е за пофалба бидејќи знаеме што се случи во првото коло од Конференциската лига на УЕФА меѓу Ница и Келн.
Токму поради случувањата пред дуелот меѓу Ница и Келн, полициските сили беа засилени пред новата пресметка меѓу германскиот и францускиот клуб, но сега не интервенираа, уште повеќе, гостинските навивачи покажаа како се бодри својот тим во уникатен и интересен начин.
На ова да додадеме дека споменатиот 35-годишен Николас Палоа е клупска легенда. Тој им се приклучи на канаринците во 2017 година од Бордо и стана миленик на навивачите, а потврди дека не планира да го напушти клубот потпишувајќи нов договор до 2024 година.
