Самуел Умтити нема да ја напушти Барселона ниту во јануарскиот преоден рок.
Францускиот дефанзивец веќе некое време ја нема минутажата која ја очекува во Барселона и не е тајна дека каталонскиот клуб на секој начин се обидуваше да се ослободи од Умтити, но не успеа.
Ова лето Барселона дури понуди договорен прекин на соработката, но Умтити одби исто како и неколку понуди од други клубови.
Затоа денеска сите беа изненадени кога Барселона објави дека Умтити го продолжил договорот со каталонскиот клуб до летото 2026 година.
El FC Barcelona y @samumtiti han llegado a un acuerdo para la ampliación de su contrato hasta el 30 de junio de 2026. El defensa francés reduce parte del sueldo que iba a percibir en el año y medio que tenía de contrato
Más info 👉 https://t.co/ivEvLTeC2c pic.twitter.com/MecRoZ0iBs
— FC Barcelona (@FCBarcelona_es) January 10, 2022
Умтити се согласи да го продолжи договорот со Барселона според кој ќе заработува значително помала плата од онаа што ја имаше откако дојде во каталонскиот клуб.
Ова е одлична вест за Барселона бидејќи клубот сега ќе може да го регистрира Феран Торес кој неодамна пристигна од Манчестер Сити.
На навивачите на Барселона не им беше јасно зошто играчот кој сите го отпишаа го продолжи договорот, но набрзо добија одговор. На челниците на клубот им стана јасно дека Умтити не сака да оди и најдоа одлично решение.
