Ливерпул го очекува преостанатиот натпревар од 27. коло на Премиер лигата, во кој ќе игра против Арсенал.
По киксот на Манчестер Сити и ремито против Кристал Палас со резултат 0:0, Ливерпул има можност да триумфира во Лондон со бод зад Граѓаните во борбата за титулата.
Она што најмногу ги загрижува навивачите на „црвените“ пред дуелот во Лондон е играњето со Мохамед Салах.
Египјанецот заработи полесна повреда и првите прогнози говореа дека ќе има седумдневна пауза, но Јирген Клоп откри дека добил порака од Салах и дека денеска ќе дојде на тренинг.
„Добив порака од Салах, тој рече дека доаѓа на тренинг. Ќе видиме во каква состојба е“, изјави Клоп, а потоа одговори на прашањето дали смета на Салах за утрешниот меч.
„Ако навистина е подготвен, нема да ризикуваме.“
Да потсетиме, Манчестер Сити е лидер со 70 бодови, Ливерпул има 66 и натпревар помалку, а од друга страна Арсенал е четврти со 51 бод, бод повеќе од Манчестер Јунајтед, но и три натпревари помалку од „црвените ѓаволи“ во борбата за пласман во Лигата на шампионите следната сезона.
