Барселона вечерва игра на гости против третолигашот Ибица во рамки од 1/16-финалето на Купот на кралот.
Каталонскиот клуб тренираше пред овој натпревар синоќа, иако условите не беа многу добри. Веќе неколку дена врне дожд во Барселона, што ги одложи тренинзите во помладите категории до понатамошно известување.
Сепак, Квик Сетиен им рече на своите играчи дека тренинзите нема да бидат одложени и дека треба да дојдат на тренинзи кога било планирано. На играчите не им се допадна ова, а најгласниот од нив беше Џерард Пике.
Пике очигледно бил лут што Сетиен не го одложил тренингот поради силниот дожд, а на Твитер се појави видео во кое се вели дека дефанзивецот на Барселона велеше „Го откажувавме тренингот заради помали работи“.
Piqué en el segundo 22 “Por menos hemos cancelado el entreno" Estaban muy bien acostumbrados pic.twitter.com/bCbuYKcJct
— Barça (@ElMesiasFCB) January 21, 2020
