Во пресрет на полуфиналниот дуел од Лигата на шампионите против Манчестер Сити, пристигнаа добри вести за навивачите на ПСЖ.
Еден од најдобрите фудбалери во Париз, Бразилецот Нејмар е близу до продолжување на договорот со принцовите, што ги стишува шпекулациите за неговото заминување.
Експертот за трансфери Фабрицио Романо ја пренесе последната изјава на Нејмар во врска со трансферот.
“Подготвен сум јавно да кажам дека сум среќен тука во ПСЖ. Се чувствувам многу подобро. Мислам дека дојде време да им покажеме на сите дека сме најдобри”, изјави Нејмар.
Neymar about his contract: “I already said I feel happy here at PSG, much better than in previous seasons. I still have time and we’ll do the best for everyone”. 🔴🇧🇷 #PSG
— Fabrizio Romano (@FabrizioRomano) April 27, 2021
Претходно, Бразилецот даде изјава за официјалната веб-страница на ПСЖ, во која рече дека повеќе детали ќе бидат познати на крајот на мај.
“Фокусирани сме на сезоната и игрите што нè очекуваат до крајот. Ќе разговараме за други работи на крајот на сезоната”, рече Нејмар.
Покрај трката за трофејот во Лигата на шампионите, ПСЖ може изненадувачки да има голема борба во Лига 1 за титулата шампион на Франција. На четири кола пред крајот, лидер е екипата на Лил со 73 бода, ПСЖ има 72, Монако 71, а Лион 67 бодови. Во следното коло ПСЖ ќе се сретне со тимот на Ленс.
