Одиграни се шест натпревари од 23-то коло во Премиер Лигата, коло кое имаше многу интересни резултати.
Манчестер Сити „киксна“ на домашен терен против Кристал Палас. Гостите дојдоа преку Џенк Тосун во водство, но не можеа да издржат до крајот.
Поточно, гостите имаа водство до 82. минута, кога Серхио Агуеро постигна два брзи гола и направи пресврт во 87. минута. Сепак, конечниот резултат го постави Фернандињо кој постигна во автоголот во 90. минута.
Брајтон и Астон Вила ги поделија бодовите. Тросард му донесе предност на Брајтон во 38-та минута, но Грелиш го постави конечниот резултат на 15 минути пред крајот на натпреварот.
Вест Хем и Евертон исто така одиграа 1-1. Двата гола беа видени во првото полувреме во рок од четири минути. Диоп го доведе Вест Хем до водство во 40-та минута и Калверт-Левин го донесе бодот на Евертон.
Екипата на Норвич забележа многу важна победа во нивната борба за опстанок, на домашен терен ја совладаа екипата на Бурнемут. Голот го постигна Пуки од белата точка.
Голем пресврт направи екипата на Волверхемптон во Саутемптон. Беднарек ја доведе домашната екипа до водство во 15-та минута, а Лонг го дуплира водството на 2-0 во 35-та минута.
Пресвртот на Волците предизвика Нето со гол во 53. минута. Израмнувачкиот гол го постигна Хименез од белата точка во 65. минута, а истиот играч постигна гол во 76. минута за целосен пресврт на Волверхемптон.
Арсенал направи ново разочарување на домашен терен. Тимот на Микел Артета продолжи со лошата игра и против Шефилд. Мартинели му донесе предност на Арсенал во 45-та минута, но Флек им донесе бод на гостите во 83-та минута.
