Луис Суарез би можел да ја напушти Барселона, а доколку се верува на уругвајските медиуми, искусниот напаѓач ќе добие понуда од неговиот поранешен клуб Ајакс во наредните денови.
Суарез е еден од играчите кој заврши на трансфер-листата по очајната сезона за клуб кој доживеа дебакл по дебаклот. Сè експлодираше по срамот од Баерн (8:2), па 33-годишниот Суарез заврши на трансфер-листата.
Медиумите во неговата родна земја денес пишуваат дека Уругваецот ќе добие интересна понуда. Ќе потекнува од неговиот поранешен клуб Ајакс и наводно е голема желба на спортскиот директор Марк Овермарс.
„Овермарс го обожава Суарез и вратата за враќање е отворена за него. Официјалната понуда ќе следи во наредните денови“, рече новинарот Енцо Оливера.
¿VUELVE A HOLANDA? Acaba de decir @EnzoOlivera en @Polideportivouy que en los próximos días el Ajax haría una importante oferta al Barcelona por Luis Suárez. "Overmars lo quiere y le abre la puerta del Ámsterdam Arena". pic.twitter.com/5OAoUfu3EV
— Rodri Vázquez (@RodriVazquez95) August 16, 2020
Суарез го носеше дресот на Ајакс од 2007 до 2011 година. Играше 159 натпревари и постигна 111 погодок, па затоа изгради име во овој клуб. Потоа замина во Ливерпул, додека беше член на Барселона шест години и постигна 198 голови на 283 настапи.
Ќе видиме дали натпреварот против Баерн беше неговиот последен во тимот од „Камп Ноу“.
