Бразилскиот напаѓач Габриел Жесус (25) би можел да го напушти Манчестер Сити по пет години минати во клубот.
25-годишниот Бразилец освои жестока конкуренција во Манчестер. Во клубот пристигнаа Ерлинг Халанд и Џулијан Алварез, па Сити е подготвен да го продаде бразилскиот напаѓач.
Арсенал е тим кој е подготвен да го доведе Бразилецот во своите редови. Понудата која му ја дадоа на овој фудбалер е многу атрактивна и изнесува 11 милиони евра годишно.
Тоа е двојно повеќе пари отколку што заработува во Градот. Жесус со задоволство би ја прифатил понудата, но неопходно е и клубовите да се договорат за парите за трансферот.
Граѓаните за бразилскиот напаѓач одредиле цена меѓу 55 и 60 милиони евра. Тоа не би требало да биде проблем за лондонскиот тим, но сигурно ќе преговараат за нешто пониска цена.
Габриел Жесус пристигна во Сити во 2017 година од Палмеирас за 32 милиони евра. Досега за „граѓаните“ одигра 315 натпревари и постигна 123 гола.
Со овој клуб освои четири шампионски титули, четири трофеи во Лига купот и два Комјунити Шилд.
