Англиските медиуми вчера објавија дека Садио Мане одлучил да не го продолжи договорот со Ливерпул и дека најверојатно следното лето ќе го напушти „Енфилд“.
Мане веќе неколку сезони е еден од главните играчи на Ливерпул и јасно е дека челниците на овој клуб прават се за да го задржат на „Енфилд“ и веќе започнале преговори за нов договор, но тоа не оди според планираното.
Ливерпул очекуваше дека нема да има проблеми со новиот договор и дека Мане лесно ќе се согласи да остане на Енфилд, но Сенегалецот ги изненади со тоа што реши да одбие да ги започне преговорите.
30-годишниот фудбалер размислува за иднината на својата кариера и наводно сака да најде нов предизвик бидејќи веќе шест години игра за Ливерпул.
Мане почна да се поврзува со трансфер во Баерн кој сака да го купи ова лето, но целта на Мане е за една година да го напушти Ливерпул без обештетување и потоа да избере каде ќе ја продолжи кариерата.
Утринава Мундо Депортиво ги изненади сите со информацијата дека желбата на Мане е да потпише за Барселона и да заигра во дресот на каталонскиот клуб, кој го посакува уште од детството.
🚨 Sadio Mané reportedly wants to play for Barcelona with his Liverpool contract expiring in 2023.
He believes that he would have much better chances of winning a Ballon d'Or in Spain.
(Source: @mundodeportivo) pic.twitter.com/MJ0ifO6s8b
— Transfer News Live (@DeadlineDayLive) May 10, 2022
Наводно, Мане веќе му кажал на агентот дека следната година сака да го напушти клубот како слободен играч и сака да потпише за Барселона бидејќи смета дека играјќи во Шпанија би имал многу поголеми шанси да ја освои Златната топка.
Сепак, во сето ова Ливерпул се уште се прашува кој сигурно нема така лесно да се откаже од Сенегалецот. Многумина веруваат дека на овој начин Мане сака да добие поголем договор на „Енфилд“, но се уште никој не се огласил на таа тема.
