Пауло Дибала по седум години го напушта Јувентус, а многу се шпекулира каде ќе ја продолжи кариерата одличниот Аргентинец.
Претходните денови се поврзуваше со Интер. Тој наводно договорил се со „нероаѕурите“, но потоа се јавил неговиот агент Хорхе Антун и ги отфрлил сите наводи дека е потпишан каков било договор.
„Пауло е целосно фокусиран на завршување на сезоната во првенството и Купот на Италија. Не е постигнат договор ниту со Италијанцу, ниту со клубот од странство“, изјави Антун.
Сепак, новиот ден носи нови информации за Дибала. „Кориере дело спорт“ тврди дека Аргентинецот добил понуда од Борусија Дортмунд.
Наводно, германскиот великан на 28-годишниот фудбалер му понудил улога на лидер на тимот што го создаваат во Дортмунд, но судејќи по парите што му ги понудиле, тешко е да се поверува дека Дибала ќе ја прифати понудата од Германија.
Раководството на Борусија е подготвено да му плаќа на Аргентинецот четири и пол милиони евра годишно и ќе биде интересно да се види дали Дибала ќе го избере проектот наместо пари.
Пауло Дибала е член на Старата дама од 2015 година. Тој одигра 289 натпревари и постигна 114 гола, но неговите барања за нов договор не беа исполнети и наводно решил да си замине.
