Сергеј Милинковиќ-Савиќ планира да го напушти Лацио во текот на летниот преоден рок.
На играчот од средниот ред не му недостасуваат понуди, што постојано се случува со години. Сепак, претседателот на неговиот клуб Клаудио Лотито не сакаше да го пушти за помалку од 100 милиони евра, како што самиот призна.
Според Фудбал Италија, Јувентус е во пол-позиција за неговиот потпис, но Лацио не сака да го продаде на ривал во Серија А.
Покрај Старата дама, за услугите на Србинот се заинтересирани уште три англиски клуба: Челзи, Манчестер Јунајтед и Њукасл, кој минатата година стана најбогатиот тим во светот.
Лотито сега бара „само“ 65 милиони евра во замена за Милинковиќ-Савиќ, но ниту еден англиски клуб не е подготвен да плати толку.
Но, се очекува Лацио да преговара со Британците, бидејќи пред неколку дена со нив лично преговараше спортскиот директор Игли Тара. Сергеј Милинковиќ-Савиќ постигна 11 гола и 12 асистенции за Лацио во неодамна завршената сезона на 47 одиграни натпревари.
Пред Лацио СМС играше за Генк, за Војводина и австрискиот ГАК како младинец.
