Само неколку дена откако беше објавено дека Пол Погба паднал на допинг тест и дека го чека долга суспензија, на повидок е нова афера во Јувентус.
Актер овој пат е младиот Николо Фаџоли, кој наводно се обложил на нелегални платформи, што е забрането со закон во Италија.
Коцкањето не е кривично дело, но строго е забрането професионалните спортисти, директни учесници на спортски настани, да се обложуваат.
Државниот обвинител покрена истрага против Фаџоли, а истражните органи го следат веќе неколку месеци. Со постапката се запознаени и адвокатите на Јувентус, а сега се чека што ќе каже Фаџоли.
Доколку наводите се покажат точни, фудбалерот може да добие тригодишна суспензија.
