Иако неговото враќање на терените не беше планирано пред 2022 година, фудбалскиот предатор се погрижи за ново чудо.
Ерлинг Халанд значително ги забрза работите и со нагло закрепнување се врати на теренот на мечот против Волфсбург и тоа го направи постигнувајќи гол.
Сите навестуваат дека „убиецот“ од Норвешка ќе биде подготвен за дербито од првиот дел од полусезоната во Бундес лигата меѓу Борусија и Баерн.
Најзаслужен за чудото на Халанд е биомеханичарот и физиотерапевт Џон Хадад, кој работеше со младата ѕвезда во последните денови.
View this post on Instagram
Халанд имаше проблеми со колкот, но Хадад се погрижи да се врати на теренот по пауза од 41 дена. Работеле по осум часа на ден, прво во Марбела, а потоа во Дортмун, па трудот се исплател.
„Никогаш во животот не сум работел со толку вреден и посветен спортист“, изјави Хадад за германски Sport1.
View this post on Instagram
Хадад користи компјутер за да го анализира телото на спортистот и на тој начин успева да ги забележи сите непријатности што се случуваат и да ги отстрани.
На овој начин ги оптимизира перформансите, ги забрзува роковите и што е најважно, спречува повреди во иднина да се повторуваат.
Халанд повторно е подготвен благодарение на него и е подготвен да им зададе главоболки на противничките одбрани. Неговата следна цел е Баерн.
