Вестите од Шпанија зборуваат за сензационалниот трансфер на Њукасл Јунајтед!
Њукасл Јунајтед одлично ја започна новата сезона со пет бода од првите три кола. Во последниот натпревар, страчките му покажаа заби на шампионот Манчестер Сити.
Славниот англиски клуб во последните месеци состави повеќе од конкурентен тим, што го покажа и дуелот со Граѓаните кој заврши со резултат 3:3.
Сепак, Њукасл Јунајтед нема намера да застане, особено сега кога парите не се проблем бидејќи со клубот управува богатиот ПИФ фонд од Саудиска Арабија.
Вестите од Шпанија велат дека новото засилување на „Страчките“ ќе биде 22-годишниот напаѓач на Реал Сосиедад Александар Исак.
Овој 22-годишен фудбалер ќе го чини англискиот клуб 70 милиони евра и тоа ќе биде најголемиот трансфер во историјата на Њукасл Јунајтед.
Real Sociedad sources confirm an agreement imminent with Newcastle for Alexander Isak, advanced today by @diariovasco. Club record fee – with final details now discussed. 🚨⚪️⚫️ #NUFC
Long term deal and also add-ons structure, main points discussed to get the deal done. pic.twitter.com/5bls9RUiTC
— Fabrizio Romano (@FabrizioRomano) August 24, 2022
Швеѓанецот имаше клаузула од 90 милиони евра во договорот, но од економска страна едноставно не можеше да се одбие понудата на Њукасл Јунајтед.
Трансферот ќе биде официјализиран во наредните денови, па Еди Хау ќе има на располагање напаѓач кој одигра навистина добро во Шпанија.
Претходен рекордер беше Бруно Гимарес, кој во Лион беше платен 45 милиони евра. Освен Бразилецот, од доаѓањето на новите сопственици, Киеран Трипиер, Ден Бурн и Крис Вуд пристигнаа во зимата на Џејмс Парк.
Што се однесува до летниот преоден рок, страчките беа засилени со Ник Поуп и Свен Ботман, а 22-годишниот Исак ќе биде последното и воедно највредното засилување досега.
