Фудбалскиот клуб Реал Мадрид и официјално потврди дека Карим Бензема – заминува!
Оваа вест не е изненадување, бидејќи со денови се најавува потенцијален трансфер во Саудиска Арабија.
Во официјалното соопштение Реал Мадрид се прости од својот капитен и долгогодишен најдобар играч.
Тој пристигна во клубот во 2009 година како 21-годишник и според официјалното соопштение е еден од најважните играчи во историјата на Реал.
Французинот постигна дури 353 гола и додаде 165 асистенции со 25 освоени трофеи, вклучувајќи дури пет Лига на шампиони и четири титули во Ла Лига.
„Кариерата на Карим Бензема во Реал е пример за професионализам и правилно однесување, со што на најдобар начин ги презентираше вредностите на нашиот клуб. Поради се што направи, го заслужи правото да донесе своја одлука и да го избере својот следен чекор.Навивачите на Реал од целиот свет во кои уживаа се во неговиот магичен и уникатен фудбал, поради што стана мит на нашиот клуб и еден од најголемите во историјата“, велат од Реал.
Да потсетиме, Бензема кариерата најверојатно ќе ја продолжи во Саудиска Арабија од каде за две години има понуда од 200 милиони евра.
