Фудбалерот на Милан и француски репрезентативец Оливие Жиру во наредните денови ќе го продолжи договорот со италијанскиот клуб до 30 јуни 2024 година, објави познатиот спортски новинар Фабрисио Романо.
Жиру има договор со Милан до 30 јуни годинава, а со недели претставниците на францускиот фудбалер преговараат со раководството на Росонерите. Во Милан следната сезона ќе заработи околу 3,5 милиони евра.
Романо тврди дека Жиру имал понуда да ја продолжи кариерата во Евертон, но тој решил да остане во Милан.
Жиру (36) е член на Милан од 2021 година, а претходно играше за Челзи, Арсенал, Турс, Монпеље, Истра и Гренобл. Францускиот фудбалер сезонава одигра 36 натпревари и постигна 12 гола.
Olivier Giroud will sign new short-term deal with AC Milan in the next days, confirmed as expected – it's all done 🇫🇷 #ACMilan
◉ New contract valid until June 2024;
◉ Salary close to €3.5m net per year;
◉ Everton approached him in January but Giroud only wanted to stay. pic.twitter.com/tgYxmqC8VA
— Fabrizio Romano (@FabrizioRomano) April 10, 2023
