Вчера ПСЖ победи со 1:0 на домашен терен против Брест и прокнижи нови три бода.
Очекувано, ПСЖ успеа да победи против тимот на Брест, но малкумина очекуваа дека гостите ќе дадат толку добар отпор на „Паркот на принцот“ и ќе примат само еден гол.
Херој на домашниот тим беше Нејмар, кој го постигна единствениот гол во 30. минута од натпреварот по одличната асистенција на Лионел Меси.
Сепак, треба да се истакне дека и Брест имаше свои прилики и гостите имаа неверојатна можност кон средината на вториот дел да ја замолчат Парк Принчева и да стигнат до израмнување.
Судијата досуди пенал за Брест, а одговорноста ја презеде Ислам Слимани, кој не се прослави бидејќи Џанлуиџи Донарума фантастично успеа да го одбрани неговиот удар и да го спаси ПСЖ.
Сепак, Слимани вчера беше убедливо најдобар играч на Брест, а тоа најдобро на своја кожа го почувствува Серхио Рамос, кој имаше големи проблеми да го запре искусниот напаѓач.
Во средината на првото полувреме Слимани на одличен начин му ја протна топката низ нозете на Рамос, кој потоа го спушти, а многумина беа изненадени што судијата досуди прекршок во нападот.
#سليماني و #راموس والحقرة 😂😂😂@slimaniislam @SergioRamos pic.twitter.com/b7fJZzDFBO
— Bob (@medart19) September 10, 2022
Овој потег на Слимани стана хит на социјалните мрежи, а многумина велеа дека одамна некој така не го „намамил“ Рамос.
😁🇩🇿Slimani sur Sergio Ramos ! pic.twitter.com/23aqgreuJR
— Bilal foot ⚽ (@BilalBouzid88) September 10, 2022
Само неколку успеаја да го минат Рамос со вакви дриблинзи, а најуспешни во тоа време беа Роналдињо и Меси.
