Френки Де Јонг очигледно ќе ја напушти Барселона ова лето.
Со недели многу се шпекулира дека Барселона сака да го продаде холандскиот играч за врска за да заработи доволно пари за да го доведе Роберт Левандовски.
Иако Де Јонг ги започна подготовките со Барселона и јасно стави до знаење дека сака да остане во клубот, се чини дека на крајот ќе замине во Манчестер каде ќе потпише договор со „црвените ѓаволи“.
Фабрицио Романо денеска објави дека Барселона и Манчестер Јунајтед постигнале договор околу трансферот на Де Јонг и дека каталонскиот клуб ќе заработи дури 85 милиони евра.
Манчестер Јунајтед веднаш ќе и плати на Барселона 75 милиони евра за Де Јонг, додека дополнителни десет милиони евра ќе бидат исплатени преку разни бонуси.
Manchester United have reached full agreement with Barcelona for Frenkie de Jong, after further talks. Package worth €85m. Fee guaranteed around €75m plus add-ons. 🚨🇳🇱 #MUFC
Personal terms, still the issue to be resolved – as Frenkie’s priority is to stay at Barcelona. pic.twitter.com/aTYnV3cHkP
— Fabrizio Romano (@FabrizioRomano) July 14, 2022
Меѓутоа, проблем е фактот што Де Јонг се уште не се договорил за условите на договорот со Манчестер Јунајтед и тоа ја кочи целата зделка. Холанѓанецот се обидува да остане во каталонскиот клуб, но јасно му е дека тоа е речиси невозможна мисија.
Се очекува Де Јонг на крајот да даде зелено светло за комплетирање на неговиот трансфер бидејќи е свесен дека клубот веќе го отпишал, и дека најдобро е сите да ги спакуваат куферите и да заминат во Манчестер Јунајтед.
