Бразилскиот играч за врска Лукас Пакета реши да го напушти Милан откако стана јасно дека нема да ја има минутажа што ја очекува.
Пакета пристигна во Милано на почетокот на 2019 година од Фламенго за скоро 40 милиони евра. Тој беше стандарден во дресот на „росонерите“ во првата сезона, но го загуби местото во почетниот состав во втората половина на минатата сезона.
Стефано Пиоли не смета премногу на овој 23-годишен играч за врска дури и на почетокот на новата сезона, па затоа Пакета реши дека е најдобро за него да ги спакува куферите и да го смени клубот.
Почитуваниот новинар Фабрицио Романо денес објави дека Пакета договорил сè со Лион и дека кариерата ќе ја продолжи во Франција.
Пакета ќе потпише договор до 2025 година, а Лион и Милан постигнаа договор за висината на обештетувањето. Овој трансфер ги израдува особено навивачите на Арсенал, бидејќи сега Ауар најверојатно ќе отпатува во лондонскиот клуб.
Paquetá will sign his contract as new OL player on next two days. Personal terms agreed until June 2025 – AC Milan will sell him on a permanent deal. Here we go! 🤝🇧🇷
…and Arsenal have confirmed to Aouar agent that they’re still negotiating and will try to get him. ⚪️🔴 #AFC
— Fabrizio Romano (@FabrizioRomano) September 29, 2020
