Менаџерот на Манчестер Јунајтед, Ралф Рангник, смета дека неговиот тим е виновен за поразот од Мидлсброу во пенал серијата во четвртото коло од ФА Купот.
По промашениот пенал на Роналдо, Џејдон Санчо им донесе водство на „црвените ѓаволи“ во 25. минута од натпреварот, а во 64. минута кога Крукс погоди за 1:1 на асистенција на Вотмор, гостите дојдоа до израмнување.
Сепак, забавената снимка покажа дека Вотмор го удрил топката во рака пред асистенција, што судијата не го забележал.
„Како може да биде случајно кога со рака ја контролира топката во воздух. Беше очигледно, бев изненаден што голот беше валиден“, истакна Рангник
Во продолжение немаше голови, па се играа продолженија. Бидејќи резултатот не се менуваше, реши пенал серијата.
„Во првото полувреме требаше лесно да дојдеме до 3:0, во вториот дел имавме и шанси. Требаше да го добиеме овој натпревар во 90 минути. Кога ќе решат пеналите, тогаш може да се случи тоа што се случи“, изјави Рангник.
„Треба подобро да ги искористиме нашите шанси. Ние сме виновни, не требаше да дозволиме продолженија и пенали. На пример, Бруно имаше шанса при крајот – обично би погодил девет пати во 10 такви ситуации. Сега тој удри во стативата“.
Менаџерот на црвените ѓаволи истакна дека е разочаран од резултатот.
„Мислам дека игравме добро во последните неколку недели. Не можевме да бидеме подобри во многу аспекти, освен што моравме да постигнеме повеќе голови. Се разбира, играчите се разочарани, сите ние сме, но фудбал е, вакви работи можат да се случат“.
