Пандемијата на коронавирус ја опустошува Европа и има сè повеќе смртни случаи секој ден.
Претежно умираат постари лица кои претходно имале сериозни здравствени проблеми, а меѓу починатите во Шпанија е член на семејството на фудбалерот на Реал Мадрид, Начо Фернандез.
Информацијата за починатиот постар член на семејството, ја потврди и неговиот брат Алекс, кој настапува за Кадиз.
„Поминувам низ ова како и сите други. Чудно е, но ние гледаме да поминеме низ сè со семејствата и се справуваме со тоа како знаеме и можеме. Еден член на нашето семејство почина. Тој беше малку постар и смртта навистина нè погоди“, рече Алекс
Во Шпанија се регистрирани повеќе од 20,000 случаи на коронавирус, а повеќе од илјада починале.
