Златан Ибрахимовиќ се најде во центарот на вниманието на фудбалската јавност по синоќешниот судир со Ромел Лукаку.
Имено, синоќа Интер по пресврт со 2:1 го совлада градскиот ривал Милан и се пласираше во полуфиналето на Купот на Италија, но по натпреварот сите зборуваа само за судирот помеѓу Ибрахимовиќ и Лукаку.
Тие имаа жесток вербален судир на крајот на првото полувреме и жестоко се навредуваа, а другите играчи успеаја да реагираат пред да дојде до физички судир.
Лукаку беше бесен на она што Ибрахимовиќ му го рече и сакаше физички да се соочи со него во тунелот, но за среќа успеаја да го сопрат.
На крајот имаше дури и информација дека Ибрахимовиќ го навредувал Белгиецот на расна основа, но самиот Златан го демантираше тоа денес на социјалните мрежи. На крајот на краиштата, се огласи и Пол Погба, кој има одличен однос и со двајцата затоа што играа заедно во Манчестер Јунајтед.
Погба рече дека нема шанси Златан да биде расист и медиумите да не го покажуваат во вакво издание.
“Златан расист? Тој ме сака толку многу што е последната личност за која би рекол дека е расист. Ајде, не се шегувај со тоа”, изјави играчот од средниот ред на Манчестер Јунајтед преку Твитер.
Zlatan… racist? 🤨 He loves me too much so he's the last person I'd think of as racist! Come on, don't joke with that one! 🤣
— Paul Pogba (@paulpogba) January 27, 2021
