Полскиот напаѓач Роберт Левандовски (33) му порача на директорот на Баерн Минхен, Оливер Кан дека нема да потпише нов договор со клубот и дека сака кариерата да ја продолжи во Барселона.
Според полските медиуми, Левандовски се одлучил за нови предизвици во кариерата. Тој предизвик треба да биде Барселона и наводно одличниот напаѓач веќе му ја соопштил одлуката на Оливер Кан дека сака да го напушти клубот.
🔴 🅽🅴🆆🆂 🔴 𝐏𝐈𝐋𝐍𝐄 🔴 🅽🅴🆆🆂 🔴
𝐓𝐨 𝐬𝐢𝐞̨ 𝐧𝐚𝐩𝐫𝐚𝐰𝐝𝐞̨ 𝐝𝐳𝐢𝐞𝐣𝐞❗ 😮 #tvpsport https://t.co/IHjE4OFQ1M— TVP SPORT (@sport_tvppl) April 11, 2022
Левандовски наводно веќе има договор со Барселона. За разлика од Баерн, Каталонците се подготвени да му понудат повеќегодишен договор и се чини дека 33-годишната ѕвезда ќе отпатува во Каталонија.
„Лева постигна договор со Барселона по онлајн средбата со челниците на Барселона. Одлуката веќе му ја соопштил на Баерн, а со Барселона се е договорено“, пишуваат полските медиуми и тврдат дека изворите се блиски до одличниот напаѓач.
Со тоа што Левандовски е врзан со Баерн уште една година, екипата на Барселона ќе мора да плати одредена отштета, а се проценува дека трансферот би можел да чини околу 60 милиони евра.
Роберт Левандовски е член на баварскиот гигант од 2014 година. Со овој клуб освои апсолутно се, ги собори речиси сите рекорди и ќе остане запаметен како клупска легенда. Вкупно полскиот напаѓач одигра 369 натпревари и постигна 340 гола за најголемиот германски клуб.
Сепак, очигледно е желен за нови предизвици, но секако ќе биде невообичаено да го видиме во дресот на друг клуб по осум години минати во Минхен.
