Поранешниот играч на Манчестер Јунајтед, Дион Даблин, смета дека тренерот на Ливерпул, Јирген Клоп е новиот Алекс Фергусон, откако работеше со легендарниот шкотски тренер за време на своето време на „Олд Трафорд“.
Откако беше ангажиран да го врати славниот период во „Театарот на соништата“ , Сер Алекс Фергусон продолжи да остварува претходно незамисливи успеси во англискиот фудбал со Манчестер Јунајтед.
Тој го водеше Манчестер Јунајтед до 13 титули во Премиер лигата и две титули во Лигата на шампионите пред да ја заврши кариерата како тренер и да замине во пензија во 2013 година.
Клоп ќе има за цел да ги реплицира успесите на Фергусон, со Ливерпул, откако минатата сезона успеа да го освои трофејот во Лигата на шампионите, а оваа сезона се на добар так и во ЛШ и во Премиер лигата.
„Јирген Клоп е новиот Сер Алекс Фергусон. Она што мислам е дека тој го води клубот од дното нагоре. Тој се осигура дека фудбалот на академијата се игра на ист начин како и во првиот тим“, рече Даблин, кој му се придружи на Манчестер Јунајтед во 1992 година.
„Кога играчите од академијата стигнуваат во првиот тим, ја знаат својата работа, тие знаат каде треба да бидат и што треба да сторат и кого треба да слушнат. Затоа Ливерпул прави таков избалансиран изглед“.
