Постариот брат на многу познатиот Пол Погба, Флорентин, зад себе има многу пристојна фудбалска кариера.
Долго играше за Сент Етјен, но веднаш по напуштањето на овој француски клуб, кариерата на Флорентино зазеде надолна, „хаотична“ траекторија.
Тој кратко го носеше дресот на турскиот Генслербирлиги, паузираше од летото 2018 до февруари 2019 година, а потоа потпиша за Атланта Јунајтед (МЛС).
На 1. јануари годинава истече договорот на 29-годишниот дефанзивец со Атланта Јунајтед и од тогаш е без клуб.
Сепак, тој конечно најде нов ангажман.
🚨📝 Florentin Pogba va rejoindre le FCSM ! Le défenseur international guinéen de 29 ans s’engagera officiellement après avoir satisfait à la visite médicale d'usage. Il a notamment disputé 99 matches avec l'@ASSEofficiel. #Mercato https://t.co/C4BuyBbods
— FC Sochaux-Montbéliard (@FCSM_officiel) May 18, 2020
Францускиот клуб за втора лига Сошо, денес објави дека е потпишан тригодишен договор со Флорентино Погба, кој ќе стапи на сила на 1 јули.
Сепак, Погба нема да го почека први јули за официјално да биде претставен во новиот тим. Дефанзивецот веќе ги помина медицински прегледи и ќе биде претставен следната недела.
