Фудбалерите на Барселона ќе играат на гости против Селта Виго во четвртото коло од Ла Лига во четврток.
Барселона ја отвори сезоната во неделата со победа против Виљареал (4:0), а избраниците на Роналдо Куман веќе очекуваат натпревар против Селта во четврток, што е традиционална незгодна игра на гости кај Каталонците.
Минатата сезона Барселона освои само еден бод против Селта, што на крајот беше еден од одлучувачките натпревари во кои ја загубија титулата. Претходните години Селта знаеше да ја разниша Барселона, против која секогаш се особено мотивирани.
Сепак, Куман сака неговиот тим да продолжи со одличните игри и очекува нови три бода. Барселона денес направи нов тренинг, а Куман поштеди неколку играчи.
Шпанските медиуми пишуваат дека тој ги одмарал играчите кои ќе играат против Селта, а од првиот тим тренирале само Ансу Фати и голманот Нето. Миралем Пјаниќ се очекува да игра од првата минута во четврток.
Покрај Пјаниќ, денешниот тренинг на Барселона го пропуштија и Серхио Роберто, Пике, Ленглет, Жорди Алба, Бускетс, Де Јонг, Меси, Гризман и Кутињо.
