Големите играчи успеваат да се вратат на вистински начин откако доживеале сериозни повреди што би можеле да значат крај на нивната кариера.
Пред речиси една година на натпреварот Арсенал – Вулверхемптон, Раул Хименез се здоби со тешка повреда на главата. На терен, медицинските служби се бореа за неговиот живот, и се покажа дека тој се здобил со фрактура на черепот.
Одличниот мексикански напаѓач првпат се појави во јавноста во јануари кога гледаше еден натпревар на својот тим и се виде дека има трајна лузна на главата.
Хименез се врати на теренот на крајот од минатата сезона и беше принуден да игра со заштитна капа околу главата за да спречи евентуална нова повреда.
До повредата, овој 30-годишник беше меѓу најдобрите напаѓачи во Премиер лигата, и полека почнува да се враќа во старата форма.
Вулверхемптон го победи Саутемптон на гости со минимални 0:1. Стрелец на голот беше Хименез кој постигна гол по повеќе од една година.
Напаѓачот одлично прими една длабока топка, продаде неколку лажњаци на противничката одбрана и ја затресе мрежата со прецизен удар. Погледнете го голот овде.
Хименез пристигна во Вулверхемптон пред две години од Бенфика кога беше платен неверојатни 38 милиони евра.
