Реал Мадрид во среда ќе се сретне со Шахтјор на мечот од групната фаза во Лигата на шампионите, а Украинците пристигнаа ослабнати во Мадрид.
Тренерот на Шахтјор, Луис Кастро, реши да остави дури осум важни играчи во Киев, наведувајќи го фактот дека по позитивниот тест за новиот коронавирус, тие сè уште не се подготвени да го одиграат овој многу важен натпревар.
На новинарско прашање како го коментира евентуалното отсуство на Серхио Рамос, тој некако огорчено одговори: “Сериозно? Дојдовме во Мадрид без осум играчи, а вие ме прашувате за Рамос. Тој е одличен играч, но кога го нема, Реал повлекува друг играч од клупата вреден 50 милиони. Тешко е да се спореди, ние го одигравме последниот натпревар со седум играчи на возраст под 20 години “, рече Кастров.
Со или без тие играчи, Шахтјор е аутсајдер во Мадрид, а со тоа Реал има далеку полесен пат до победата што ќе биде неопходна на почетокот на новата сезона од Лигата на шампионите и по поразот од Кадиз во лигата.
