Фудбалерот на Борусија Дортмунд, Џулијан Брант ќе го пропушти саботното дерби против Шалке 04 во Бундеслигата, како и следниот натпревар една недела подоцна против Келн, соопштија од клубот.
Брант се здоби со повреда на левата нога на стартот од натпреварот против Челзи во вторникот вечерта, во реваншот од осминафиналето на Лигата на шампионите. Тимот од Дортмунд загуби со 2:0 и со вкупни 1:2 испадна од елитното европско натпреварување.
Капитенот Марко Ројс е под знак прашалник и за гостувањето во Гелзенкирхен поради грип, пренесува Sky Sports.
Дербито може да биде клучно за „вечните ривали“. Шалке го зазема претпоследното место, но е на чекор до опстанок. Од друга страна, Борусија е на второто место со 49 бодови, исто толку колку и лидерот Баерн.
ℹ️ Julian #Brandt hat sich in der #UCL-Partie beim @ChelseaFC einen Muskelfaserriss im Oberschenkel zugezogen.
Der Mittelfeldspieler wird dem #BVB damit in Gelsenkirchen und gegen Köln nicht zur Verfügung stehen.
Komm schnell wieder, Jule! 🙏 pic.twitter.com/me3HKlvt7q
— Borussia Dortmund (@BVB) March 9, 2023
Полицијата во регионот веќе е во состојба на готовност во пресрет на натпреварот кој е закажан за в сабота од 18 часот и 30 минути. Минатиот месец навивачите на Шалке 04 беа нападнати од наводни навивачи на Борусија Дортмунд и Рот Вајс Есен, при што беа повредени четири лица, па полицијата веќе изврши неколку рации во регионот.
Портпаролот на полицијата изјави дека се претресени 25 локации, главно во Есен и Дортмунд, но и во Гелзенкирхен.
