Пјер-Емерик Обамејанг се уште не ја средил својата иднина иако со денови се шпекулира дека дефинитивно заминува во Челзи.
Обамејанг како слободен играч на почетокот на годината пристигна во Барселона од Арсенал и одигра брилијантен втор дел од сезоната во дресот на каталонскиот клуб.
Сепак, неодамна имаше шпекулации дека Обамејанг сака да ја напушти Барса бидејќи нема цел да биде резервна копија на Роберт Левандовски оваа сезона.
Обамејанг се поврзува со тимот на Челзи и се чини дека по само половина година би можел да се врати во Англија. Иако се чинеше дека овој трансфер е веќе решена работа, Аубамејанг сепак не ја напушти Барса.
Пред неколку дена беше објавено дека Барселона ја прифатила понудата на Челзи од 25 милиони евра и дека Обамејанг ќе отпатува на лекарски прегледи, но тоа се уште не се случило.
Англиските медиуми пренесуваат дека настанале проблеми во преговорите меѓу Челзи и Обамејанг околу договорот бидејќи Габонецот не е задоволен од она што во моментов му го нудат Сините.
Очигледно најголем проблем е што Челзи на Обамејанг му нуди само договор до крајот на оваа сезона, а искусниот напаѓач не сака да ја потпише соработката доколку договорот не е на најмалку две години.
Pierre-Emerick Aubameyang's potential move to Chelsea has been halted 📰
— Sky Sports Premier League (@SkySportsPL) August 27, 2022
Затоа Обамејанг се уште е во Барселона и најверојатно ќе биде во составот за утрешниот дуел против Ваљадолид, а Челзи има се помалку време да го комплетира овој трансфер.
Сините мора под итно да доведат напаѓач бидејќи немаат „класична деветка“ на располагање, а сигурно Габонецот би бил големо засилување. Сепак, очигледно Челзи не сака да се обврзува премногу, поради што му нуди само едногодишен договор.
Обамејанг има договор со Барселона до летото 2025 година и ќе биде интересно да се види дали ќе го видиме во дресот на овој клуб до крајот на оваа сезона.
