Она што виси со денови се шпекулираше се случи денеска. Стив Брус повеќе не е тренер на Њукасл Јунајтед.
Откако арапскиот инвестициски фонд предводен од принцот Мохамед Бин Салман го презеде Њукасл Јунајтед, веднаш се појавија шпекулации за заминување на искусниот експерт.
Во средата наутро пристигна потврда дека по две години Брус го напушта популарниот клуб, откако успеа да преживее во Премиер лигата во последните две сезони.
“Имаше подеми и падови, но секој даде се од себе во тешките моменти. Сакам да им се заблагодарам на тренерскиот штаб, играчите и другите вработени. Се надевам дека новите сопственици ќе го однесат клубот таму каде што сакаат“, изјави Брус.
#NUFC can confirm that Steve Bruce has left his position as head coach by mutual consent.
The club would like to place on record its gratitude to Steve for his contribution and wishes him well for the future.
— Newcastle United (@NUFC) October 20, 2021
Како прв кандидат за наследник на Брус се споменува Пауло Фонсека, кој неколку месеци беше слободен по напуштањето на клупата на Рома.
Фонсека ова лето се поврзуваше со Тотенхем и е многу заинтересиран за работа во Премиер лигата. Позитивно е што Њукасл не би морал да плати отштета во овој случај.
По осум кола од новата сезона, Њукасл Јунајтед се наоѓа на самото дно во Премиер лигата.
