Синоќа Реал Мадрид на домашен терен претрпе пораз од Манчестер Сити, во првиот натпревар од 1/8 финале во Лигата на шампионите.
Граѓаните славеа со резултат 1:2, по пресврт и да се влошат работите за Реал – капитенот Серхио Рамос заработи црвен картон.
Тоа беше 26-ти црвен картон во кариерата на Рамос и поради тоа ќе го пропушти реваншот со Манчестер Сити.
По поразот и лошата ноќ за Реал, Рамос се појави на социјалните мрежи.
„По навистина тешката ноќ, гледам две опции: Можеме да размислиме за вчера или да работиме на утрешната победа. Јас ја избирам втората. Мислите и срцата се веќе вклучени на Ел Класико”, кратко изјави капитенот на Реал Мадрид.
Después de una noche muy dura, veo dos opciones: podemos pensar en la derrota de ayer o trabajar para la victoria de mañana. Yo elijo lo segundo. Cabeza y corazón ya en el Clásico. #HalaMadrid
📸 Getty pic.twitter.com/OswgHZd7sW— Sergio Ramos (@SergioRamos) February 27, 2020
Инаку, сега пред Реал е Ел Класико, дуел со најголемиот ривал, Барселона. Ел Класико на Бернабеу ќе се игра во недела од 21 часот.
