Фудбалерите на Реал Мадрид и Барселона на 29 јули ќе одиграат пријателски натпревар во Арлингтон, Тексас, како дел од турнирот на кој учествуваат уште шест клубови, објавија организаторите.
Ова ќе биде трет пријателски натпревар помеѓу Реал и Барселона во Соединетите Американски Држави, по Мајами во 2017 година и Хјустон минатиот јули.
На подготвителниот турнир во Америка покрај двата шпански клуба настапуваат и Манчестер Јунајтед, Арсенал, Милан и Јувентус.
Ќе се одиграат вкупно осум натпревари, а турнирот започнува на 22 јули со дуелот помеѓу Барселона и Јувентус во Санта Клара. Последниот натпревар на 2 август ќе го одиграат Јувентус и Реал Мадрид во Орландо.
Новите сезони во Премиер лигата и шпанската Примера започнуваат на 12 август, додека италијанската Серија А започнува една недела подоцна.
🚨 TEXAS CLÁSICO 🚨
Real Madrid and Barcelona will face each other on July 29 in a preseason friendly at AT&T Stadium, home of the Dallas Cowboys 🏈 pic.twitter.com/qvMRfB9yY0
— B/R Football (@brfootball) May 12, 2023
