Реал Мадрид полека подготвува листа за засилување за јануари, што треба да биде доста долга.
На листата на потенцијални засилувања на претседателот Флорентине Перез, исто така, се најде и името на дефанзивецот на Бетис, Марк Бартра кој „кралевите“ наводно, ќе се обидат да го донесе уште во јануари.
Бартра е дете на Барселона. Тој ја помина познатата академија Ла Масија, а за првата екипа играше од 2010 до 2016 кога замина во редовите на Борусија Дортмунд.
Сепак, не играше многу во дресот на Дортмунд и одлучи да се врати во Шпанија на почетокот на оваа година и да потпише договор со Бетис каде што навистина е фантастичен.
Сега пред него има голема одлука. Реал сака да го донесе во јануари, понудата наводно ќе биде доста привлечна, а пред Бартра има голема одлука, дали да се приклучи на омразениот ривал од претходните години.
Сепак, Реал пред да почни со купување, прво треба да се реши тренерското прашање, а листа на Перез сигурно ќе заврши во рацете на човекот кој ќе го преземе клубот.
