Во ноќта од саботата кон неделата се одиграа голем број натпревари во МЛС лигата, а забележани се и многу голови, но и дебитантските ѕвезди кои пристигнаа од Европа.
Особено возбудливо беше на Геодис Парк во Нешвил, каде истоимените домаќини беа поразени од Торонто со 4:3. Натпреварот го одбележаа дебито на Фернандо Бернардески и Лоренцо Инсиње.
Бернардески летово во Торонто дојде како слободен играч од Јувентус, а Инсиње од Наполи. И додека прв погоди од белата точка, минијатурниот офанзивец е многу поспектакуларен.
Монтреал и Интер Мајами одиграа 2:2. Двоен стрелец за домашниот тим беше Киото, а за гостите заедно со Родригез погодија Гонзало Игуаин.
Синсинати беше подобар од Филаделфија Унион со 3:1, а на пет минути до крајот во игра за домашниот тим влезе поранешниот репрезентативец на БиХ Харис Медуњанин.
Ефикасно беше во Канзас Сити, каде Спортинг го победи Лос Анџелес Галакси со 4:2. Чичарито Ернандез постигна два гола за поразениот тим.
Аусин и Сан Хозе Ертквејкс ремизираа 3:3. Герет Бејл го постигна своето деби во МЛС за Лос Анџелес ФК во победата од 4:1 на гостувањето против Реал Солт Лејк. Велшанецот влезе од клупата, додека Џорџо Киелини играше од првата минута.
Да додадеме уште дека Селмир Пидро дебитираше за вториот тим на Ст. Луис во победата од 2:1 над Чикаго Фајр во МЛС Next Pro шампионатот.
Пидро пристигна во Академијата ФК Сараево во 2014 година. Како член на сениорската селекција на тимот на Бордо освои четири трофеи меѓу кои и двојната круна во сезоната 2018/19.
