Фудбалерот на српската репрезентација и напаѓач на Фиорентина Душан Влаховиќ (20) е позитивен на коронавирусот.
Оваа вест беше објавена вечерва од тимот од Фиренца на својата официјална веб-страница.
„Душан Влаховиќ тестираше позитивно на коронавирусот. Тој е дома и не покажува никакви симптоми. Клубот ги презеде сите неопходни мерки за да ги најде луѓето што биле во контакт со него што е можно поскоро”, рекоа од Фиорентина.
Влаховиќ ги помина сите младински селекции на Србија. Тој дојде во Фиорентина во 2018 година од Партизан, и обезбеди неколку фантастични натпревари во Серија А оваа сезона.
Ова е нов случај на коронавирус меѓу фудбалерите во Италија, а пред него беа заразени Даниеле Ругани од Јувентус и пет фудбалери на Сампдорија.
ACF Fiorentina can confirm that Dusan Vlahovic has tested positive for COVID-19. He is at home and currently does not have any symptoms.
➡️ https://t.co/EESWBwVUls pic.twitter.com/KgEOX9FWic
— ACF Fiorentina English (@ACFFiorentinaEN) March 13, 2020
