Легендарниот играч на Барселона, Ривалдо, зборуваше за неговиот поранешен клуб, во интервју за англискиот „The Mirror“.
Бразилецот најмногу зборуваше за Лионел Меси и што би требало да стори каталонскиот клуб за да го замени, и истакна дека само Нејмар може да го наследи Аргентинецот во Барселона.
„Меси нема да трае вечно. Еден ден ќе пристигне неговиот последен натпревар и тој ќе го напушти фудбалот“, рече Ривалдо, продолжувајќи:
„Сега тој прави разлика, тој постигнува голови … но мора да имате друг играч кој ќе ја игра неговата улога“.
„Само еден играч може да биде замена за Меси во Барселона, а тој играч е Нејмар“.
„Тој ја напушти Барселона, погрешно, но ако се врати ќе може да направи разлика како што тоа го прави Меси сега“, заврши Бразилецот.
