Сопственикот на Челзи, рускиот тајкун Роман Абрамович се подготвува за нови инвестиции во играчкиот кадар.
Свесен дека на Барселона им ’гори под нозе’ и дека е во ситуација да ги продава своите играчи за да заработи, Абрамович реши да тргне по тројца играчи од каталонскиот тим.
Прво име на списокот на Абрамович и секако по барање на тренерот Томас Тухел е играчот од средниот ред Френки Де Јонг. Ситуацијата со Холанѓанецот се промени оваа сезона и неговите игри се далеку од минатата сезона.
Тухел би сакал таков играч во својот тим, а „Ел Национал“ тврди дека Челзи е подготвен да плати 60 милиони евра за играчот.
Втор на листата е талентираниот Гави, кој има откупна клаузула од 50 милиони евра, а Челзи е подготвен да ја плати.
Договорот на овој 17-годишен талент со Каталонците истекува во летото 2023 година, а Челзи е подготвен да му обезбеди многу поголема плата од онаа што ја има на стадионот „Камп Ноу“. Проблемот за сините е што скапоцените камења ги следат други големи и богати тимови како Баерн, Манчестер Сити и Ливерпул.
Последниот играч на листата на Роман е Сергино Дест, кој не се вклопи баш во плановите на Чави, иако беше неприкосновен во топ 11 во мандатот на Роналдо Куман. Барселона пак би барала 20 милиони евра, што е еден милион помалку од парите потрошени за нејзино носење во 2020 година.
Доколку гласините се остварат и Челзи навистина тргне по споменатите фудбалери, тогаш Барселона ќе биде многу во искушение. Сигурно е дека се работи за играчи кои имаат квалитет и кои не е лесно да се пуштат, но секој милион им е многу важен на Каталонците и со продажба на такви играчи ќе добијат можност да донесат нови по желба на Чави.
