Манчестер Јунајтед го освои Лига Купот откако во финалето го совлада Њукасл со 2:0.
Португалскиот играч на Ал Насра, Кристијано Роналдо има право на златен медал за англискиот Лига куп, бидејќи Манчестер Јунајтед го освои ова натпреварување, пренесуваат британските медиуми.
Британските медиуми се повикуваат на правилата на натпреварување во Лига купот и тврдат дека право да го добие златниот медал има Роналдо кој ја започна сезоната во Манчестер Јунајтед.
Португалскиот фудбалер беше пријавен за ова натпреварување. Сепак, Роналдо не одигра ниту една минута во ова натпреварување во дресот на „црвените ѓаволи“.
Според правилата на англискиот Лига куп, Роналдо има право да добие медал, но конечната одлука ја носи освојувачот на трофејот, т.е. Манчестер Јунајтед.
Британските медиуми потсетуваат дека Роналдо и Манчестер Јунајтед не се разделија најдобро во ноември минатата година, поради што челниците на клубот од „Олд Трафорд“ решија на португалскиот фудбалер да не му испратат златен медал за освојување на Лига купот.
