Напаѓачот на Ал-Наср, Кристијано Роналдо ова лето би можел да се пресели во Реал Мадрид, пренесува „Sky Sports“.
Како што забележува британскиот медиум, 40-годишниот фудбалер сака да игра на Светското клупско првенство во 2025 година, за кое саудискиот клуб не успеа да се квалификува и затоа ја разгледува опцијата да потпише краткорочен договор со Реал Мадрид.
ФИФА ќе отвори специјален трансфер прозорец од 1 до 10 јуни, а Португалецот ќе има можност да потпише договор со „Кралевите“ за еден турнир. Иако е помалку веројатно од враќањето во Мадрид, сепак дел од италијанските медиуми пишуваат дека ако не успее со Реал, во опција наводно бил и Интер.
Роналдо му се приклучи на Ал Наср на крајот на 2022 година. Неговиот договор со Саудијците трае до јуни 2025 година.
Португалецот играше за Реал Мадрид од 2009 до 2018 година.
